Spot
Spot hemi ol kaen aktiviti we yu kompit wetem bodi we, tru long plei nomo or taem oli oganesem, i traem blo yusum, kipim o divelopem skil mo givim entetaenmen long ol man we i stap. I gat plante handred spot we i stap, stat wetem olgeta we i nidim tu man nomo, i go long olgeta we plante handred man i patisipet, maet wetem ol team o oli kompit olsem wanwan man nomo.
Klosap ol man i luksave spot olsem ol aktiviti we yu mas yusum ol skil blong bodi o ol mit blong bodi, wetem ol bigfala kompitesen olsem Olympic Games i biliv ol spot hem i olgeta we folem tingting ia, mo ol narafala oganaesesen olsem Council of Europe i ting spot i olsem ol aktiviti we yu mas yusum bodi. Be, i gat samfala aktiviti we nem blong olgeta hem i ol gem blong maen, we oli kompit be oli no yusum ol bodi blong olgeta. International Olympic Committee i luksave jes mo brij olsem ol ril spot, mo SportAccord, we hem i wan intanasonal spot oganasesen asoseason, i luksave faef defren spot we yu no yusum bodi blo yu, be oli putum namba long olgeta gem blong maen we yu save tekem olsem oli ril spot.
Klosap evritaem spot i gat ol rul o kastom, we i stap blo mekemsua se fasin blong kompit i stret, mo i alao stret jajmen blo hapen lo saed blo huia i winim ol gem. Jajmen long saed blo wijwan man i winim wan gem blong ol spot blong bodi i save kam tru long fasin blong winim ol gol o kasem wan laen bifo long ol narafala man, o tru long jajmen blong ol jaj we oli skelem ol defren kaen eria long pefomans, we i tekem tu jajmen long saed blong olsem teknokol pefomans o ol filing we atist i givim.